QMDB tóraǵasy medrese shákirtterine syı jasady (FOTO)
QMDB Tóraǵasy Naýryzbaı qajy Taǵanulynyń qoldaýymen Almaty qalasyndaǵy «Ábý Hanıfa» medrese-kolledji men qaıyrymdylyq mekemelerine azyq-túlik jetkizildi.
Igi is-sharaǵa Bas múftı Naýryzbaı qajy Taǵanuly men medrese dırektory Qulmuhammed Mahanbet qatysyp, bilim ordasyna 3 tonnaǵa jýyq qajetti azyq-túlik paketterin tabystady. Bas múftı atalǵan bilim ordasynyń shákirtterin kúndelikti kerek-jaraqpen, onyń ishinde azyq-túlikpen qamtýǵa úles qosqan azamattarǵa aıryqsha alǵysyn jetkizip, qaıyrymdylyq jáne saýapty amal jaıynda nasıhat aıtty.
Óz kezeginde medrese dırektory men shákirtter de Bas múftıge ystyq iltıpaty men alǵysyn bildirdi. Sondaı-aq azyq-túlik paketteri 5 qaıyrymdylyq mekemesine de tabystalǵanyn aıta ketken jón.
