QMDB tóraǵasy memlekettik qyzmetkerlerge nasıhat aıtty (FOTO)
Búgin Bas múftı Naýryzbaı qajy Taǵanuly Sybaılas jemqorlyqqa qarsy is-qımyl agenttiginiń Atyraý oblysy boıynsha departament qyzmetkerlerine nasıhat aıtty.
Memlekettik qyzmetkerlerdi táýelsizdigimizdiń 30 jyldyq mereıtoıymen quttyqtaǵan Naýryzbaı qajy Taǵanuly: «Biz búginde qoǵam bolyp elimizdiń damýyna tusaý, kemeldenýine kedergi keltirer sybaılas jemqorlyqpen kúresýdemiz. Osy rette bul máseleniń sebebimen emes, saldarymen kúresýdiń mańyzdylyǵyn aıryqsha atar edim. Óıtkeni jemqorlyqtyń paıda bolýy qoǵamdaǵy rýhanı baılyqtyń qunsyzdanyp, materıaldyq qundylyqtyń aldyńǵy satyǵa shyǵýynyń saldary.
Sondyqtan, biz qoǵamda jemqorlyqqa qarsy kúresti azamattarymyzdyń júregine rýhanı baılyqty, qundylyqtardy sińirýden bastaýymyz qajet. Biz juma ýaǵyzynda jemqorlyqtyń zardaby jaıly jıi aıtyp kelemiz.
Alla Taǵala «Baqara» súresiniń 188-aıatynda: «Aralaryńdaǵy maldaryńdy buzyq jolmen jemeńder. Sondaı-aq bile tura adamdardyń malynan bir bólim jeý úshin bılerge aparmańdar» dep eskertken. Alla Taǵala halqymyzǵa jar bolyp, jaqsylyǵyn jaýdyrǵaı» dedi.
Aıta ketsek, Qazaqstan musylmandary dinı basqarmasy men Memlekettik qyzmet isteri jáne sybaılas jemqorlyqqa qarsy is-qımyl agenttigi «Adaldyq alańy» jobasy aıasynda ortaq memorandým qabyldaǵan bolatyn. Memorandým maqsaty – ortaq iste jumylyp, el ıgiligi úshin qyzmet etý.
