QMDB tóraǵasy meshitke páter kiltin tabystady (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mańǵystaý oblysyna barǵan resmı saparynda Aqtaý qalalyq meshitiniń teńgerimine berilgen 2 bólmeli páterdiń kiltin tabystady.
Saltanatty sharada Naýryzbaı qajy Taǵanuly: «Úıli bolý – adam ómirindegi úlken qýanyshty oqıǵanyń biri. Adam balasy bala-shaǵasymen qaýyshyp, óz úıinde júregi tynyshtyq tabady. Qonaq shaqyryp, batasyn alady. Biz qoǵamnyń birligi men ıgiligi úshin baryn salyp, qyzmet etip júrgen ımamdardy áleýmettik turǵydan qoldaýǵa jiti nazar aýdaryp otyrmyz. Igi nıetimizge úles qosyp jatqan barsha jomart azamattarǵa Alla razy bolsyn aıtamyn» dedi.
Bas múftı meshit teńgerimine úı alyp bergen Aıdos Amangeldiulyna rızashylyq nıetin jetkizip, alǵys hatpen marapattady.
«Imamdy qoldaý – azamattyq boryshymyz. Bul – dinimizge degen qamqorlyq» deıdi Aıdos Amangeldiuly.
