QMDB tóraǵasy óner ókilderimen suhbattasty (FOTO)

Almaty qalasynda Qazaqstan musylmandary dinı basqarmasy ǵımaratynda Bas múftı Serikbaı qajy Oraz óner ókilderimen əńgimelesti.

Kezdesýge qazaq óneriniń tanymal ókilderi - Aqjol Meıirbekov, Maqpal Júnisova, Erǵalı Əbdiraıymov, Aqbota Kerimbekova, al múftııat tarapynan Dinı ister bóliminiń meńgerýshisi Nurbek Esmaǵanbet qatysty.

Basqosýda Bas múftı men óner ókilderi qasıetti ramazan aıynda qaıyrymdylyq jasaýdyń məni men mańyzyn sóz etti. Serikbaı qajy Oraz kóp balaly eki otbasynyń baspanaly bolýyna belsendi úles qosqan tanymal óner ókilderine alǵysyn jetkizdi.

Kezdesýde, sonymen qatar sonaý VIII ǵasyrda qazaq topyraǵyna jetken asyl dinimizdiń rýhanı qundylyqtary jaıly əńgime órbidi.

Berekeli basqosýdan soń Bas múftı qonaqtarǵa "Uly dala tósindegi Islam" atty avtorlyq kitabyn syıǵa tartty.