QMDB tóraǵasy Óskemende «Shyǵys medıa» ortalyǵynyń ashylýyna qatysty (FOTO)
Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Óskemen qalasyndaǵy «Halıfa Altaı» meshitinde «Shyǵys medıa» ortalyǵynyń ashylý rásimine qatysty.
Ashylýy rásiminde Bas múftı Naýryzbaı qajy Taǵanuly: «Asyl dinimiz Islamdy nasıhattaýda aqparat quraldarynyń róli erekshe. Osy ortalyqtan ǵıbratty teleónimderdi ázirlep, halyqtyń rýhanı suranysyn qanaǵattandyrýǵa úles qosyńyzdar. Sonymen qatar, «Halyq arna» Efırin sapaly ónimmen toltyrýǵa atsalysyp, belsendi qyzmet kórsetińizder» dep atap ótti.
Ortalyqtyń ashylý rásiminen keıin Bas múftı din men dástúr sabaqtastyǵy, elimizde dinı jýrnalıstıkany damytý máseleleri jóninde oılarymen bólisti.
