QMDB TÓRAǴASY ÓZBEKSTAN MÚFTIIMEN KEZDESTI (FOTO)
Qazaqstan musylmandary din basqarmasynyń tóraǵasy, Bas múftı Tóraǵasy Naýryzbaı qajy Taǵanuly Ózbekstanǵa barǵan saparynda Ózbekstan musylmandary dinı basqarmasynyń tóraǵasy, Bas múftı Nýrıddın Holıqnazarovpen kezdesti.
Naýryzbaı qajy Taǵanuly Ózbekstan múftıine Tashkentte ótken Túrki elderi múftıleriniń basqosýy joǵary deńgeıde ótkenin aıtyp, kezdesýge shaqyrǵany úshin alǵys aıtty.
«Allaǵa shúkir, búginde Qazaqstan men Ózbekstan musylmandary dinı basqarmalary tyǵyz baılanysta qyzmet etip keledi. Islam dininiń órkendeýine Ózbekstannyń qosqan úlesi óte zor. Aldaǵy ýaqytta destrýktıvti dinı aǵymdardyń aldyn alý, din qyzmetkerleriniń bilimin jetildirý, tarıhı muralardy dáripteý, dinı saladaǵy baılanysty arttyrý, ortaq pátýalar qabyldaý, dinı merekelerdi birge atap ótý, dinı týrızmdi dem berý, birlesken jobalardy júzege asyryp, tájirıbe almasý baǵytynda ortaq jobalardy iske asyra beremiz degen senim mol» dedi QMDB Tóraǵasy.
Sonymen qatar Bas múftı Ózbekstan Qazaqstannyń Ortalyq Azııadaǵy eń jaqyn senimdi seriktesi jáne qazaq-ózbek halyqtary baǵzy zamannan baýyrlas el ekenin atap ótti. «Bizdi biriktiretin qundylyqtar kóp. Dinı mektebimiz ben mázhabymyz bir. Sondyqtan eki el arasyndaǵy baýyrlastyq baılanysymyz arta bergeı! Osy jolda qajyrly eńbek etýdi Alla násip etsin!» dedi Naýryzbaı qajy Taǵanuly.
Kezdesý sońynda Bas múftı qazaqy dástúr boıynsha Ózbekstan musylmandary dinı basqarmasynyń tóraǵasy, Bas múftı Nýrıddın Holıqnazarovtyń ıyǵyna shapan jaýap, syı-sııapat usyndy.
