QMDB tóraǵasy Qoja Ahmet Iasaýı kesenesin zııarat etti (FOTO)
QMDB Tóraǵasy, Bas múftı Naýryzbaı qajy Taǵanuly «Darhan Dala» jobasy aıasynda aımaqtaǵy bas ımamdarmen birge Qoja Ahmet Iasaýı kesenesin zııarat etti.
Bas múftı aldymen Qoja Ahmet Iasaýı babanyń rýhyna Quran baǵyshtap, duǵa jasady.
«Darhan Dala Travel» týrıstik kompanııasynyń dırektory Bektemir Qýandyquly Bas múftı bastaǵan delegatsııaǵa kesene ishindegi 16 terezeden turatyn shaǵyn qos kúmbezdi meshitti kórsetti. Bul – kesene ishinde ornalasqan eń kóne meshit.
Aıta ketsek, otandyq týrızmdi damytýǵa úles qosý maqsatynda Bas múftıdiń bastamasymen bıyl «Darhan Dala» jobasy iske qosylǵan bolatyn. Joba maqsaty – halyq arasynda din men dástúrimizge saı kıeli oryndardy zııarat etý mádenıetin qalyptastyrý, jurtshylyqqa sharıǵat ádebin saqtaýdy úıretý, Túrkistan qalasyna, basqa da tarıhı, kıeli oryndarǵa týr uıymdastyrý.
