QMDB TÓRAǴASY QURAN BAIQAÝYNYŃ AShYLÝ RÁSIMINE QATYSTY

Búgin Túrkistan qalasynda Qazaqstan musylmandary dinı basqarmasynyń uıymdastyrýymen Quran Kárimdi jatqa oqýdan qyzdar arasyndaǵy V respýblıkalyq baıqaýy bastaldy.

Igi is sharanyń ashylý rásiminde Bas múftı Naýryzbaı qajy Taǵanuly: «Alla Taǵala adamzat balasyna eń úlken nyǵmetterdiń biri retinde Óziniń Kálámi Qurandy túsirdi. Qasıetti Quran oqylatyn kitap qana emes, ol ómir súrýdiń mánin aıqyndaıtyn, adamdy týra jolǵa bastaıtyn, júrekterdi tazartatyn, qoǵamdy izgilikke jeteleıtin máńgilik baǵdar. Quran – meıirimniń, ádildiktiń, parasattyń qaınar kózi.

Búgingi uıymdastyrylyp otyrǵan qyzdar arasyndaǵy Quran jarysy asa saýapty bastama. Sebebi, áıel qoǵamnyń tiregi, otbasynyń uıytqysy, urpaq tárbıesiniń negizi. Qyz bala tárbıeli, ımandy, Quranǵa jaqyn bolyp ósse, bolashaqta tutas bir urpaqtyń rýhanı deńgeıi joǵary bolary sózsiz»,- dedi.

Aıta keteıik, baıqaýǵa qatysýshylar Quran Kárimniń 30, 20, 10 parasyn jáne 5 para nomınatsııalary boıynsha baq synaıdy. Baıqaýǵa 69 úmitker qatysýda.



















 

​