QMDB tóraǵasy Saýd Arabııa koroldiginiń vıtse-mınıstrimen kezdesti (FOTO)

Búgin elordada Bas múftı Naýryzbaı qajy Taǵanuly Saýd Arabııa Koroldigi Islam, shaqyrý jáne tálim berý isteri jónindegi mınıstr orynbasary Muhammed ben Abdýlýahed ál-Arıfımen kezdesti.

Kezdesýde qajylyq salasy boıynsha uıymdastyrý-úılestirý jumystaryn jandandyrý máselesi talqylandy.

«Qajylyq mınıstrligi qajylyq sapary kezinde Qazaqstan musylmandary dinı basqarmasynyń ıgi bastamalaryna qoldaý kórsetip keledi. Bul bizdiń qajylyq sapary kezinde uıymdastyrý-úılestirý jumystarymyzǵa serpin berýde. Bizdiń elimizden qasıetti Jıdda jáne Mádına qalalaryna tikeleı charterlik  reıstiń ashylýy da qajylarymyz úshin úlken jeńildik boldy. 

Allaǵa shúkir, qazir álemde pandemııalyq ahýal turaqtalyp keledi. Buıyrsa, kóp uzamaı bizdiń de qajylarymyz qasıetti Mekke men Mádına qalalaryna baryp, qajylyq paryzyn óteıdi dep senemin. Alla Taǵala sol kúnge tezirek jetýdi násip etkeı», – dedi Naýryzbaı qajy Taǵanuly.

Vıtse-mınıstr óz kezeginde qajylyq saparyna qatysty máselelerdi der kezinde sheshýge yqpal etetinin jetkizdi.