QMDB TÓRAǴASY «ShALQAR» RADIOSYNA SUHBAT BERDI

QMDB Tóraǵasy, Bas múftı Naýryzbaı qajy Taǵanuly «Shalqar» radıosynyń «Búgingi sóz» habarynda arnaıy qonaq bolyp, tikeleı Efırde suhbat berdi. Suhbat barysynda Bas múftı qasıetti Ramazan aıynyń mańyzdylyǵy, oraza ustaýdyń rýhanı máni jáne qoǵamdaǵy birlikti nyǵaıtýdaǵy orny týraly keńinen aıtty.

Sonymen qatar, alda kele jatqan Oraza aıt merekesine daıyndyq, otbasylyq qundylyqtardy saqtaý, kishipeıildilik pen qaıyrymdylyqqa shaqyrý sııaqty mańyzdy taqyryptarǵa erekshe toqtaldy. Bas múftı Ramazan aıynda elimizde atqarylǵan qaıyrymdylyq jumystarǵa da toqtalyp, jamaǵatty ıgi isterge úles qosýǵa shaqyrdy.

«Qasıetti Ramazan – tek oraza ustaý ǵana emes, sonymen birge júrek tazalyǵy men qaıyrymdylyqqa toly aı. Osy aıda meshitterimizde jáne qoǵamda kóptegen qaıyrymdylyq sharalary atqaryldy: múmkindigi shekteýli azamattarǵa kómek kórsetildi, az qamtylǵan otbasylarǵa, balalar men qarttarǵa erekshe kóńil bólindi. Aldaǵy Oraza aıt merekesinde de barsha musylmandar osy izgi dástúrdi jalǵastyryp, jaqyndaryna qamqorlyq kórsetip, qoǵamdaǵy tatýlyqty nyǵaıtýǵa úles qosýy kerek»,- dedi Bas múftı.

Suhbat sońynda Bas múftı Naýryzbaı qajy Taǵanuly barsha otandastarymyzdy kele jatqan Oraza aıt merekesimen quttyqtady.

​