QMDB TÓRAǴASY ShYMKENTTEGI BALALAR ÚIINE BARDY
Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Shymkent qalasyna jasaǵan jumys sapary aıasynda «Ómirlik qıyn jaǵdaıda júrgen balalardy qoldaý ortalyǵy» kommýnaldyq memlekettik mekemesine bardy.
Kezdesý barysynda Bas múftı mekemede tárbıelenip jatqan balalarmen júzdesip, olardyń jaǵdaıymen tanysty. Qazirgi tańda ortalyqta 122 bala tárbıelenip jatyr. Bas múftı balalarǵa meıirim men qamqorlyq kórsetýdiń qoǵam úshin mańyzy zor ekenin atap ótip, qasıetti Ramazan aıynyń taǵylymy – qaıyrymdylyq pen janashyrlyq ekenin jetkizdi.
Is-shara barysynda Qazaqstan musylmandary dinı basqarmasynyń «Zeket jáne qaıyrymdylyq» qory tarapynan balalarǵa arnaıy daıyndalǵan «Ramazan táttisi» taratylyp, ortalyqqa 1 000 000 teńge kóleminde qarjylaı kómek tabystaldy.
Kezdesý sońynda Bas múftı balalarǵa izgi tilegin bildirip, olardyń jarqyn bolashaǵy úshin duǵa jasap, bilim alyp, elge paıdaly azamat bolyp ósýine tilektestik bildirdi.
