QMDB tóraǵasy Syr óńiriniń dıqandarymen júzdesti (FOTO)
Qyzylorda oblysyna jumys sapary aıasynda Bas múftı Naýryzbaı qajy Taǵanuly Syr óńiriniń bir top dıqanymen kezdesti. QMDB Tóraǵasy júzdesýde eńbek adamyna qurmet jaıly dinimizde tereń mán berilgenin atap ótti.
«Ardaqty Paıǵambarymyzdyń (oǵan Allanyń salaýaty men sálemi bolsyn): «Qara jumystan qoly kústenip nemese sharshap-shaldyǵyp kelip uıqyǵa bas qoıǵan adam keshirimge ıe bolyp, kúnálarynan arylady» degen. Hadısterde eshkimge qol eńbeginen artyq rızyq buıyrylmaǵany aıtylady. Musylman adam jumysynyń bedeli joǵary ne tómendigine, jeńil ne aýyrlyǵyna, tabysynyń az ne kóbine emes, birinshi kezekte adaldyǵyna mán berýi kerek. Bireýge jaldanyp, taý qoparyp, tas ýatatyn aýyr jumystarǵa jegilse de, arqalap otyn tasyp, aýla sypyrsa da, eń birinshi kezekte nanyn adal taýyp jeýge yqylas tanytýy tıis. Óıtkeni eń bastysy adalǵa nıetti bolǵandyqtan, qandaı tómengi jumysty istese de, Alla Taǵala onyń eńbegin joǵary baǵalary anyq. Búgin ózderińizdeı eńbek adamyn kórip, qýanyp otyrmyn. Adal rızyqpen otbasyn asyrap, berekege kenelip júrsizder. Sizder ekken kúrish, osy jerden shyqqan árbir qap aqmarjan ár qazaqtyń shańyraǵyna jetsin», – deı kele mekemeniń eńbek ujymyna ystyq yqylasyn jetkizdi.
