QMDB tóraǵasy Syrdarııa aýdanynda jańa meshittiń ashylýyna qatysty (FOTO)
Búgin QMDB tóraǵasy, Bas múftı Naýryzbaı qajy Taǵanuly Qyzylorda oblysy, Syrdarııa aýdany, Shaǵan eldi mekeninde jańa meshitti ashty. Saltanatty sharaǵa aýdan ákimi Talǵat Dúısebaev, oblystyń bas ımamy Bolatbek Ulasqanuly jáne aýyl aqsaqaldary qatysty.
350 adamǵa arnalǵan qulshylyq úıi jergilikti demeýshi azamattar men aýyl turǵyndarynyń kómegimen aıaqtalǵan. Meshit ishinde dáris synyby da bar.
«Syr óńiri berekeli óńir. Halqynyń birligi bekem eken. Birigip is qylyp, osyndaı záýlim meshit salynypty. Alla Taǵala bul eldi mekenge yrys nesibesin molynan bersin. Osy meshit ımandylyqtyń, tárbıeniń ordasy bolsyn», - dedi Naýryzbaı qajy Taǵanuly ashylý saltanaty kezinde.
Aıta keteıik Shaǵan eldi mekeninde buǵan deıin bul jerde eski meshit bolǵan. Tozyǵy jetken qulshylyq úıi aýyl azamattarynyń atsalysýymen tolyq el ıgiligine berildi.
