QMDB tóraǵasy tarıhı meshitti zııarat etti (FOTO)
Taraz shaharyna kelgen Bas múftı Naýryzbaı qajy Taǵanuly bir ǵasyrlyq tarıhy bar «Áýlıe ata» meshitin zııarat etti. Tarıhı meshittiń kúrdeli jóndeý jumystarymen tanysyp, Alla úıiniń qurylysy jaıly tolyq habardar boldy.
Sharaǵa QMDB Apparat basshysy Ǵylymbek Jádigeruly, Jambyl oblysynyń bas ımamy Beıbit Álipbekuly, Jambyl oblysy ákimdiginiń Din isteri basqarmasynyń basshysy Jangeldi Omarov, QMDB Sharıǵat jáne pátýá bóliminiń meńgerýshisi Sansyzbaı Qurbanuly, sondaı-aq, qala meshitteri men oblystyq meshittiń ımamdary qatysty. Kóne meshitte Quran oqylyp, duǵasy dúnıeden ótken musylmandarǵa baǵyshtaldy.
Aıta keteıik, kóne meshittiń aldynda alleıa ornalasqan. Meshitke jańa ǵımarattar qosylyp, dárethana orny da aýystyrylypty.
Oblystyń bas ımamy Beıbit Myrzageldıev jospar boıynsha jasalyp jatqan jumystar legin baıandap, týrısterdiń eń kóp keletin jerinde ornalasqan ǵımarattyń mańyzdylyǵy jaıly tilge tıek etti. Sondaı-aq taǵy bir mańyzdy tusy 1907 salynǵan meshittiń kóne sán úlgisi saqtalyp qalǵan. Restavratsııa jumystary keler jyly tolyǵymen aıaqtalady.
Bas múftı óz kezeginde qulshylyq ordasyna kómektesip jatqan azamattarǵa rızashylyǵyn jetkizdi.
