QMDB tóraǵasy Túrkııa delegatsııasyn qabyldady (FOTO)
Elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly Túrkııa Din isteri basqarmasynyń qajylyq jáne ýmra qyzmetteri komıtetiniń tóraǵasy Remzı Birjanmen kezdesti. Kezdesýge Túrkııanyń elimizdegi elshisiniń din isteri jónindegi keńesshisi Neshet Bodýr qatysty.
Basqosýda baýyrlas elderdiń baılanysyn arttyrý, qajylyq salasy boıynsha tájirıbe almasý, ımamdardyń bilimi men biliktiligin kóterý syndy máseleler qozǵaldy.
«Túrkııa Din isteri basqarmasy bizdiń bastamalarymyzǵa únemi qoldaý kórsetip keledi. Pandemııa kezinde musylman áleminiń din qaıratkerlerin juma namazy sátinde bir mezette duǵa jasaýǵa úndedim. Osy sátte Túrkııa Din isteri basqarmasynyń tóraǵasy, professor Álı Erbash myrza bul bastamamyzǵa birden qoldaý bildirdi. Budan basqa oqý-aǵartý, pátýa shyǵarý salasy boıynsha usynystarymyz da sizderdiń taraptaryńyzdan qoldaý taýyp keledi. Osy sátti paıdalanyp, Túrkııadaǵy áriptes-baýyrlaryma taǵy da alǵys aıtamyn» dedi Bas múftı.
Aıta ketsek, búginde ekijaqty kelisim aıasynda Túrkııanyń «Hasekı» akademııasynda qazaqstandyq 64 ımam bilimin jetildirýde.
