QMDB TÓRAǴASY TÚRKIIa MÚFTIIMEN KEZDESTI (FOTO)

15 mamyr 2024 674 0
Оqý rejımi

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Ystambul qalasynda Túrkııa Din isteri basqarmasynyń tóraǵasy, Doktor Álı Erbashpen kezdesti.

Kezdesýde baýyrlas eki el arasyndaǵy dostyq baılanys pen rýhanı yntymaqtastyq jóninde áńgime órbidi. Bas múftı Naýryzbaı qajy Taǵanuly Doktor Álı Erbashqa musylman elderiniń múftıleri men din ǵalymdary qatysqan «Dúnıejúzilik ıslam ǵulamalarynyń joǵary keńes sammıtine» shaqyrǵany úshin alǵysyn aıtyp, arnaıy syı-sııapat jasady. Sondaı-aq Túrkııa Din isteri basqarmasynyń tóraǵasyn elimizde kúzge qaraı ótetin Túrkitildes memleketteri Múftıler alqasynyń kezekti jıynyna shaqyrdy. Odan bólek, múftııattyń Túrkııadaǵy jańadan taǵaıyndalǵan ókili, «Talaba» qaýymdastyǵynyń osy eldegi jetekshisi Abdýrashıd Qarabaevty tanystyryp, dinı bilim alý baǵytynda usynystaryn jetkizdi.

Óz kezeginde Túrkııa múftıi baýyrlas eki eldiń yntymaǵy jolynda ıgi ister atqaryla beretinin aıtyp, QMDB Tóraǵasynyń elimizge shaqyrýyn qýanyshpen qabyl aldy.

Pіkіrler Kіrý