QMDB tóraǵasy jıyrmasynshy qaıyrymdylyq mekemesin ashyp berdi (FOTO)
Shymkent qalasyndaǵy resmı saparynyń ekinshi kúninde QMDB Tóraǵasy, Bas múftı Naýryzbaı qajy Taǵanuly Qarataý aýdany, Saıram turǵyn úı alabynda ornalasqan «Qarashash ana» qaıyrymdylyq mekemesiniń ashylýyna qatysty.
Saltanatty jıyn qasıetti Quran oqýmen bastaldy. Osydan soń Bas múftı Naýryzbaı qajy Taǵanuly quttyqtaý sóz sóılep ǵımarat ishin aralap tamashalady.
Aıta keteıik, eki qabattan turatyn ǵımaratta shákirtter úshin jataqhana, sport zal, ashana, dárishana, is-sharalar ótetin arnaıy zal ornalasqan.
Bir ereksheligi, mekemedegi árbir dárishanaǵa elimizden shyqqan dańqty tulǵalardyń esimi berilgen. Atap aıtqanda, «Ál-Farabı», «Ibrahım ata», «Q.A.Iassaýı», «Abaı Qunanbaıuly» jáne ózge de bólmelerge ataý berilgen. Al búginde elimiz boıynsha 20 qaıyrymdylyq mekemesi jumys isteıdi.
