QMDB «Zeket» qory 7 835 balany mektepke daıyndady (FOTO)

Qazaqstan musylmandary dinı basqarmasynyń «Zeket» qory 2019 jańa oqý jyly qarsańynda elimiz boıynsha 7 835 balaǵa mektep sómkesi men oqý quraldaryn úlesterdi.

Qor dırektory Talǵat Omarovtyń aıtýynsha, demeýshi azamattardyń qoldaýymen júzege asqan «Mektepke jol» qaıyrymdylyq aktsııasy aıasynda kópbalaly otbasylar men áleýmettik kómekke zárý januıalarǵa qajetti kómek jasalǵan.

«Zeket» qorynyń negizgi jumys baǵyty – qaıyrymdylyq. Biz áleýmettik az qamtylǵan otbasylaryn qoldaýǵa árqashan daıynbyz. Bul ıgi shara dástúrli túrde jyl saıyn júzege asa beredi», – dep atap ótti Talǵat Seıitkárimuly.