QMDB janynan ádep keńesi quryldy (FOTO)

15 qańtar 2021 2922 0
Оqý rejımi

Bul týraly elordada ótken Qazaqstan musylmandary dinı basqarmasynyń keńeıtilgen Tóralqa májilisinde Bas múftı Naýryzbaı qajy Taǵanuly málimdedi.

«Ár mekemeniń ózindik Ádep keńesi bolady. Ár qyzmetker ádep Etıkasyn saqtaı otyryp, jumys isteıdi. Men osy rette Qazaqstan musylmandary dinı basqarmasy janynan Ádep keńesin qurý týraly sheshim qabyldadym. Keńestiń hatshysy etip Dinı bilim jáne kadr daıyndaý bóliminiń meńgerýshisi Smaıyl Seıitbekovty taǵaıyndadym. Keńes músheleri ár toqsan saıyn bas qosyp, kún tártibindegi máseleler boıynsha maǵan naqty usynys joldaıdy. Keńesti qurýdaǵy maqsat – din qyzmetkeriniń jumysyna serpin berý» dedi Bas múftı Naýryzbaı qajy Taǵanuly. 

Tóralqada keńes hatshysy Smaıyl Seıitbekov baıandama jasap, din qyzmetkeri din men Dinı basqarma múddesin qorǵaýǵa, óz qyzmettik mindetterin ádil ári jaýapkershilikpen atqarýǵa, kásibı biliktiligin udaıy arttyryp otyrýǵa mindetteletinin atap ótti.

Pіkіrler Kіrý