QMDB janynan Salttyq qyzmet kórsetý ortalyǵy ashyldy (FOTO)

14 qańtar 2021 380 0
Оqý rejımi

Bul týraly elordada ótken Qazaqstan musylmandary dinı basqarmasynyń keńeıtilgen Tóralqa májilisinde Bas múftı Naýryzbaı qajy Taǵanuly málimdedi.

«Elimizdegi jerleý rásimderin jáne zırat kóterý mádenıetin bir júıege keltirý maqsatynda QMDB janynan salttyq qyzmet kórsetý jumysymen aınalysatyn «Qamqor-Sharapat» jaýapkershiligi shekteýli seriktestigin ashý týraly sheshim qabyldadym. Onyń dırektory qyzmetine Kamaljan Turdybaevty taǵaıyndadym. Endi sizden nátıjeli jumys kútemiz», – dep atap ótti Bas múftı.

«Qamqor-Sharapat» jaýapkershiligi shekteýli seriktestiginiń dırektory Kamaljan Turdybaevtyń aıtýynsha, salttyq qyzmet kórsetý ortalyǵynyń basty maqsaty – qulpytas kóterýde Islam dininiń talaptaryn saqtaý, básekelestikke, ysyrapqa jol bermeý.

QMDB Tóraǵasy Naýryzbaı qajy Taǵanuly Tóralqa májilisinde halyq arasynda «Qamqor-Sharapat» JShS jumysy jaıly, onyń basty maqsaty týraly túsindirý is-sharalaryn júrgizýdi tapsyrdy. Sonymen qatar halyqtyń jaǵdaıyn eskerip, salttyq qyzmet kórsetýdiń aqysy retinde eń tómengi baǵany belgileý qajettigin qaperge saldy. Sondaı-aq bul bastama halyqqa ońtaıly usynys retinde júzege asý kerek ekenine nazar aýdardy.

Aıta ketsek, ótken aıda elordada uıymdastyrylǵan «Islam – mádenıet pen izgiliktiń bastaýy» atty ımamdardyń IV respýblıkalyq onlaın-forýmynda «Zırat jáne zııarat» mádenıeti qujaty qabyldanǵan bolatyn. Qujatta zırat kóterýdiń úkimderi, zırat kóterý mádenıeti, teńdik ustanymy, qulpytas qoıý mádenıeti, zırat qurylystary men kesene salý túrleri, t.b. máseleler qamtylǵan. Qujatty qabyldaýdaǵy maqsat – zırat kóterýdi bir tártipke keltirip, jalpyǵa ortaq mádenıetti qalyptastyrý.       

Pіkіrler Kіrý