QMDB: Jyldyq esepke arnalǵan keńeıtilgen Tóralqa májilisi bastaldy (FOTO)
Búgin elordada Bas múftı Naýryzbaı qajy Taǵanulynyń tóraǵalyǵymen jyldyq esepke arnalǵan keńeıtilgen tóralqa májilisi bastaldy. Májiliske naıb múftı Ershat Ońǵarov, QMDB Apparat jetekshisi Ǵylymbek Májıev, QMDB bólim meńgerýshileri men oblystyń bas ımamdary qatysýda.
Májilisti ashqan Bas múftı Naýryzbaı qajy Taǵanuly: «Osy jyly bizdiń ımamdar eldegi pandemııa jaǵdaıyna qaramastan dinı rásimder men qaıyrymdylyq is-sharalardy yjdaǵatpen ótkizdi. Alla razy bolsyn! Bıyl kópten kútken «Halyq» arnasyn ashtyq. Dinı basqarmanyń 30 jyldyq mereıtoıy aıasynda demeýshiler kómegimen baspanaǵa asa muqtaj 30 otbasyǵa páter kiltin tabystadyq. 30 shákirtke bilim grantyn berdik. 30 eldimekenge jol, kópir salýǵa yqpal ettik. Biz bul baǵyttaǵy jumysymyzdy jyl boıy jalǵastyra beremiz», – dep atap ótti.
Májiliste oblys bas ımamdary sharıǵat jáne pátýa, ýaǵyz-nasıhat, dinı bilim jáne kadr daıarlaý, dinı ońaltý, qaıyrymdylyq is-sharalar, buqaralyq aqparat quraldarymen jumys, qajylyq, t.b. baǵyttar boıynsha esep berýde.
