Qordaı aýdanynda 400 túp kóshet otyrǵyzyldy
Jambyl oblysy Qordaı aýdany Qarasaı batyr aýylynan saıaly saıabaq salyndy. Igi sharaǵa Qarasaı, Ótegen, Qarasý, Qyzylsaı, Qarakemer, Sortóbe, Kúnbatys, Aýqatty aýylynyń ımamdary men jamaǵaty, sondaı-aq jastar uıymdarynyń jetekshileri atsalysty.
Qarakemer aýylynyń ımamy Danııar Taýbaldıev, Sortóbe aýylynyń ımamy Gýbar Pansharov, Qarasaı aýylynyń ımamy Abdýl Dýrgalov t.b belsendi kisilerdiń bastamasymen aýyl turǵyndary 2 gektarǵa jýyq alqapqa 400-ge jýyq kóshet (alma, almurt t.b) otyrǵyzdy.
Qarasaı batyr aýylynyń aqsaqaly Asyq Ýálı rızashylyq bildirip, aq batasyn berdi. Bolashaq urpaq úshin jasalǵan ıgi iske uıytqy bolǵan ımamdar men aýyl turǵyndaryna alǵysyn jaýdyrdy. Imamdar bolashaqta bul jerde adamdar demalatyn oryndyqtar qoıylyp, jaıaý adamdar joly salynatynyn aıtyp, turǵyndardy taǵy qýantty. Aýyl turǵyndarynyń yntymaq-birliginiń arqasynda boı kótergen bul saıabaqqa «Yntymaq» ataýyn berýdi usyndy.
Aıta keteıik, Memleket basshysy Qasym-Jomart Toqaev bıylǵy Naýryz merekesin jańasha atap ótýdi usynyp: «Babalarymyz áz Naýryz kelgende bulaqtyń kózin ashyp, aǵash otyrǵyzǵan. Osy tamasha dástúrdi jańa qarqynmen jalǵastyraıyq. Tabıǵatty tazalap, qorshaǵan ortany kógaldandyrýdy qolǵa alaıyq. Mundaı sharalardy barlyq aımaqta uıymdastyrýymyz qajet. Bul – ata saltymyz ári urpaqqa Ekologııalyq tárbıe berýdiń eń tıimdi joly» degen bolatyn. Qordaılyqtardyń bul berekeli bastamasy Prezıdenttiń osy usynysyna bildirgen qoldaýy bolatyn.
