Qordaı aýdanynda ımamdarǵa arnalǵan oqý kýrstary óz jumysyn bastady (FOTO)
QMDB tóraǵasy, Bas múftı Naýryzbaı qajy Taǵanuly Qordaı aýdanyna sapary barysynda ımamdarǵa arnalǵan oqý kýrstaryna arnaıy qatysty.
Qazirgi ýaqytta Sortóbe aýylyndaǵy «Imamdar úıimen» Qordaıdaǵy Qarılar ortalyǵynda qazaq tilin oqytatyn til kýrstary jumys isteıdi. Aıta keteıik Bas múftı aqpan aıyndaǵy aýdanǵa sapary kezinde osy isti basa tapsyrǵan bolatyn. Qazirgi tańda aýdandaǵy ózge ult ókilderinen quralǵan ımamdarǵa bilikti ustazdar sabaq berýde.
Kýrsqa qatysýshylardyń jalpy sany – 56 adam. Atalǵan ortalyqtarda til kýrstarynan bólek eldegi tatýlyq pen birlikti nyǵaıtý, otbasy qundylyqtaryn nasıhattaý, Dinı alaýyzdyqty boldyrtpaý jáne jat aǵymmen kúres sondaı-aq QMDB-nyń «Jeti rýhanı qazyq» qujatyn nasıhattaý jumystary qatar júrýde.
