QURAN IJAZASYNA QOL JETKIZGEN ShÁKIRTTERGE ARNAIY KÝÁLIK TABYSTALADY

Bul týraly Bas múftı Naýryzbaı qajy Taǵanuly Qazaqstan musylmandary dinı basqarmasynyń Tóralqa májilisinde din qyzmetkerlerine arnalǵan baǵdarlyq baıandamasynda málimdedi.

«Ótken jyly Astana men Almaty qalasynan Dinı basqarmanyń tikeleı baqylaýymen Quran ıjazasyn beretin ortalyq ashtyq. Allaǵa shúkir, bıylǵy jyly osy ıjaza ortalyǵyn támamdap Paıǵambarymyzǵa (oǵan Allanyń salaýaty men sálemi bolsyn) deıin tizbegi úzilmegen Quran ıjazasyna qol jetkizgen shákirtterge arnaıy ıjaza kýáligin tabystaımyz. Alla buıyrsa, bul da dinı saladaǵy úlken jetistigimizdiń biri bolary anyq» dedi QMDB Tóraǵasy.