Qurban aıt: Qasapshylardyń respýblıkalyq semınary ótti (FOTO)
Qasıetti Qurban aıt meıramyna oraı «Halal Damýdyń» uıymdastyrýymen «Qasapshylyq – saýapty hám jaýapty is» taqyrybynda onlaın-semınar ótti.⠀
«Halal Damý» dırektory Aıbek Asqarbekulynyń jetekshiligimen «Zoom» platformasynda ótken semınarǵa QMDB Sharıǵat jáne pátýa bólimi meńgerýshisiniń orynbasary, Ǵulamalar keńesiniń múshesi Hasan Amanqul jáne jergilikti ınspektsııalyq baqylaýshylar, sonymen qatar 19 óńirdegi jergilikti qasaphana qyzmetkerleri qatysty.⠀
Semınarda Qurban aıt kúnderi qurban shalý rásiminiń sharıǵat ádepterine saı oryndaýdyń mańyzdylyǵy men talaptary, basty qaǵıdalary men erejeleri túsindirildi.
«Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanulynyń tapsyrmasymen barlyq óńirde qurbandyq shalynatyn oryndardy ázirleý jáne qaýpisizdik-tazalyq sharalary, qasapshylar daıarlaý jáne olarǵa túsindirme semınar uıymdastyrý boıynsha arnaıy jumystar bekitilgen bolatyn. Sharıǵı normalardy saqtap, qurbandyq malyn soıý úlken jaýapkershilikti qajet etedi. Sondyqtan qurbandyq shalynatyn nysandarda qyzmet etetin qasapshylarǵa arnaıy semınar-trenıng uıymdastyrýdy jón kórdik. Dáris barysynda qasapshylyq qylatyn azamattarǵa Hasan Amanqul arnaıy dáris júrgizip, qurban shalýdyń sharıǵı úkimderi men talap-sharttaryn keńinen túsindirse, kásibı tehnologtar halal standartqa saı mal baýyzdap, et óńdeý jóninde dáris oqydy. Sonymen qatar, elimizdegi Epıdemıologııalyq jaǵdaıdy eskere otyryp, Qurban aıt kezinde karantındik talaptardy qatań saqtaý qajettiligi eskertildi. Qazirgi tańda Respýblıka boıynsha «QMDB Halal» sertıfıkatyna ıe bolǵan 30 qasaphana men 567 qasapshy tirkelgen. Elimizdiń barlyq óńirindegi «Halal Damý» sertıfıkattaýynan ótken qasapshylar men qasaphanalar Qurban aıt meıramynda halyqqa óz qyzmetterin usynady», – degen Aıbek Asqarbekuly «Halal Damý» baqylaýyndaǵy qasapshylar men qasaphanalardyń Qurban aıt meıramyna saqadaı saı ekenin málimdedi.
Aıta keteıik, shilde aıynyń 20-sy – qasıetti Qurban aıt merekesiniń alǵashqy kúni. Arapa – 19 shilde.
