Qylmyskerdiń anasy ulynan qalǵan qarjyny taratýǵa kóshti

Byltyrǵy jyldyń qazan aıynda Las-Vegas (AQSh) qalasynda ótip jatqan mýzyka festıvalinde Stıven PEddok esimdi lańkes Mandalay Bay qonaq úıiniń 32-qabatynan kórermenderge oq jaýdyryp, 58 jannyń ómirin qıǵan bolatyn. Sondaı-aq, 800-deı jan túrli dene jaraqatyn alǵan edi.

Keıinnen belgili bolǵandaı, Stıven PEddok aıtarlyqtaı aýqatty bolmasa da, orta dáýlettilerdiń qatarynda bolyp shyqty. Onyń esepshotynda jarty mıllıonǵa jýyq dollar bary anyqtalǵan. Buǵan qosa, ol qymbat qarý-jaraqtar toptamasyn jınaýmen aınalysqan eken.

Qylmyskerdiń barlyq qarjysy muragerlik jolmen onyń anasyna qaldyrylǵan. Alaıda, anasy onyń bir tıynyn da ózine qaldyrmastan, qurban bolǵandardyń januıasyna taratyp berýdi jón sanaǵan.