Qyrǵyzstan múftıi qazaq eline kóńil aıtty
Qyrǵyzstan musylmandary dinı basqarmasynyń tóraǵasy, bas múftı Zamır kary Rakıev QMDB Tóraǵasy Naýryzbaı qajy Taǵanulyna shyǵystanýshy-ǵalym Ábsattar qajy Derbisáliniń qaıtys bolýyna baılanysty qaıǵyryp, kóńil aıtty.
Bul týraly Qyrǵyzstan múftııatynyń resmı saıty habarlady.
«Baýyrlas Qazaq eliniń burynǵy bas múftıi jáne din ǵalymy Ábsattar qajy Derbisáliniń dúnıeden ótýine baılanysty barshańyzǵa kóńil aıtamyz. Ábsattar qajy Qazaqstannyń Bas múftıi jáne Orta Azııa múftıleri Keńesiniń tóraǵasy retinde kóp jumys eńbek atqardy. Sońynan ergen shákirtterine óziniń mol tájirıbesi men taǵylymdy, eleýli eńbekter qaldyrdy. Marqumnyń otbasyna, jaqyn-týystaryna jáne Dinı basqarmadaǵy izbasarlaryna sabyr tileımiz. Jaratqan Ábsattar qajyny raqymyna alyp, peıishtiń tórinen oryn bergeı!» delingen kóńil aıtý jedelhatynda.
