Qyrǵyzstan: «Toıboss» shujyq tsehy sertıfıkat jańartýda (FOTO)
Halal Damý» mamandary Qyrǵyzstandaǵy eń zamanýı ári modernızdengen «Toıboss» shujyq tsehynda baqylaý-qadaǵalaý sharalaryn júrgizdi.
Aýdıt jumystaryn «Halal Damý» dırektory Aıbek Asqarbekuly men Almaty oblysy boıynsha jaýapty ókil Jumabekov Janábil oryndady.
«Toıboss» saýda markasy – 2012 jyly qurylyp, qysqa merzim ishinde Qyrǵyzstan, Qazaqstan, Tájikstan, Reseı naryǵyn sapaly da halal shujyq ónimderimen baǵyndyrǵan jas kásiporyn.
Dástúrli retseptter, zamanaýı tehnologııalar men joǵary óndiristik standarttardyń úılesýi – «Toıboss» shujyqtarynyń negizgi ereksheligi. Sapa deńgeıin turaqty túrde damytyp qana qoımaı, tehnologııalyq retsepterdi qatań saqtaý jáne halal shıkizatty paıdalaný arqyly óndiriletin «Toıboss» shujyqtary talǵampaz tutynýshylar tarapynan joǵary baǵalanýda.
«Halal Damý» mamandary tarapynan júrgizilgen baqylaý-qadaǵalaý sharalarynyń qorytyndysy boıynsha: «Toıboss» shujyq tsehynyń jumysy óte joǵary deńgeıde. Óndiriste qoldanatyn shıkizat kózderi, taǵamdyq qospalary, zaýyttyń jabdyqtary «QMDB halal» standarty talaptaryna tolyqtaı saı. Qyzmetkerlerdiń de sanıtarlyq-gıgıenalyq sharalardy saqtaýy úshin barlyq jaǵdaılar qarastyrylǵan. Sonymen qatar, óndiris ornynda shıkizatqa mıkrobıologııalyq, fızıka-hımııalyq jáne organoleptıkalyq synaqtar júrgiziletin, qondyrǵylar men jabdyqtardyń sanıtarlyq tazalyǵyn qadaǵalaıtyn zerthana bar.
«Toıboss» shujyq tsehynyń sertıfıkat jańartý protsessi áli de jalǵasyp jatqandyǵyn, jumys barysy tolyqtaı aıaqtalǵannan keıin ǵana «QMDB halal» sertıfıkaty tabystalady.
