Qyzylorda qalasynda jańa meshit ashyldy (FOTO)
QMDB Tóraǵasy, Bas múftı Naýryzbaı qajy Taǵanuly Syr óńirine jasaǵan saparynda Qyzylorda qalasynda boı kótergen jańa meshittiń ashylýyna qatysty.
Quran aıattarymen bastalǵan saltanatty sharada Bas múftı qyzylordalyqtardy jańa qulshylyq úıimen quttyqtap, asyl dinimizdiń nasıhattalýyna úles qosqan demeýshi azamattarǵa alǵysyn bildirdi.
«Islam dini kelip, ardaqty Paıǵambarymyz (oǵan Allanyń salaýaty men sálemi bolsyn) óziniń nasıhatyn jetkize bastaǵanda qasynda qanshama jandar boldy. Biraq Ábý Bákirdiń (r.a.) orny bólek edi. Bul týrasynda Alla Elshisiniń ózi «Islamǵa shaqyrǵan kezimde, Ábý Bákirden basqasynyń kókireginde bir tańyrqaý men kúmán boldy. Biraq Ábý Bákirge Islamdy aıtyp jetkizgenimde, kóńiline kúdik almastan, kidirmesten ıman keltirdi» deıdi. Mine, Hazireti Ábý Bákir (r.a) – Islam áleminiń, jalpy musylman qaýymynyń Paıǵambarymyzdan (oǵan Allanyń salaýaty men sálemi bolsyn) keıingi eń ardaqty tulǵasy.
Ol Islam dini jolynda janyn da, malyn da pıda etýimen, týralyq, shynaıylyǵymen basqalarǵa jarqyn úlgi boldy. Búkil ǵumyry bııazylyq, jomarttyq, jankeshtilik tárizdi adamdyq asyl qasıet órnekterine toly.
Biz byltyrdan beri elimizdegi jańadan ashylyp jatqan meshitterimizge tarıhı, mádenı, rýhanı salada eńbegi sińgen ardaqty tulǵalarymyzdyń atyn berý úrdisi qalyptasty. Islam dininiń damýy, qanat jaıýynda ólsheýsiz úles qosqan ardaqty tulǵanyń esimin ıelengen meshit qutty bolsyn!
Meshittiń saltanatty ashylý rásiminen keıin qonaqtar ǵımarattyń sán-saltanatymen tanysyp, alǵashqy nápil namazyn oqydy.
Aralbaevtar áýletiniń demeýshiligimen Saıahat shaǵyn aýdanynda 2019 jyly qurylysy bastalǵan jańa meshittiń syıymdylyǵy – 350 adam. Erler jáne áıelder zaly, ımam bólmesi bar. Sondaı-aq meshit janynan zamanaýı úlgidegi dárethana boı kótergen.
