Ramazan qarsańynda 45 shákirtke sertıfıkat tabystaldy (FOTO)

Ramazan aıynyń qarsańynda respýblıkalyq «Áziret Sultan» meshitindegi Dinı saýat ashý kýrsy baǵdarlamasyn támamdaǵan 45 áıel shákirtke búgin sertıfıkat tabystaý rásimi ótti. Qasıetti juma kúnine oraı ótkizilgen shara aıasynda shákirtterge arnaıy sertıfıkat berilip, Quran kitaby tartý etildi. Top jetekshisi ustaz Zarına Shamıdýllaqyzynyń bastamasymen shákirtterge estelik táj kıgizildi.

Atalmysh sharaǵa QMDB Áıel-qyzdar sektorynyń meńgerýshisi Dınara Qutqojaqyzy arnaıy qatysyp, shákirtterge aq tilegin bildirdi. «Búgingi yrym etip taqqan tájimiz qııamette Quran jattaǵan qarılarǵa beriler tartýǵa ulassyn! Osy jolda erekshe yqylas pen ynta, kúsh-jiger tileımin», – dedi ol.

Aıta keteıik, dinı saýat ashý kýrsy baǵdarlamasyn támamdap, Quranǵa túsken 60-tan astam áıel shákirtterge aqpan aıynda da sertıfıkat tabystalǵan bolatyn. Elimizde oryn alǵan karantındik shekteýlerge baılanysty keshteý ashylǵan Zarına ustazdyń bul toby ondaı sertıfıkatqa búgin qol jetkizip otyr.

Sýretterdi «FOTOGALEREIa» aıdarynan kóre alasyzdar!