RAMAZANǴA DAIYNDYQ MAQSATYNDA JAMAǴAT ARASYNDA SAIYS ÓTKIZILDI (FOTO)

Búgin Elordadaǵy «Áziret Sultan» meshitinde «Sen Ramazanǵa daıynsyń ba?» atty rýhanı kesh bolyp ótti. Shara aıasynda jamaǵatqa Ramazanǵa qatysty vıktorınalyq suraqtar qoıylyp, syılyqtar berildi.

Qasıetti Quran aıattarymen bastalǵan keshte qala bas ımamy Erbolat Nuryldauly sóz alyp, búgingi keshtiń mańyzdylyǵy týraly aıtyp, Ramazan aıynyń berekeli ótýin tiledi.

Keshke arnaıy shaqyrylǵan aıtysker aqyn Serikzat Duısenǵazy óziniń Ramazan aıy týraly shyǵarǵan óleńin oqyp, aq tilegin bildirdi. 

Sharaǵa qatysýshy jamaǵat arnaıy berilgen qaǵazǵa  qasynda otyrǵan baýyrynyń esimin jazyp, qasıetti aıdyń kelýimen quttyqtady. 

Sondaı-aq, qatysýshylardyń barlyǵyna Mekkeden ákelingen Zám zám sýy taratylyp, arnaıy duǵa jasaldy. Osy rette meshit ustazdary Zám zám sýynyń qasıeti men ishý ádebin aıtyp ótti.  Kesh sońynda qatysýshylarǵa «Ramazanǵa qatysty 200 suraq» kitaby taratyldy.

 

Источник: Aidos