RANT múshesi – Aqtóbe óńirinde
Aqtóbe óńirine oblystyq din isteri basqarmasynyń uıytqy bolýymen RANT múshesi, respýblıkalyq «Áziret Sultan» meshitiniń ustazy, «Muslim.kz» aqparattyq, rýhanı-aǵartý portalynyń redaktory Maqsatbek Qaıyrǵalıev arnaıy issaparmen keldi.
Bas múftı Naýryzbaı qajy Taǵanuly hazirettiń bastamasyna oraı 7 baǵyt aıasynda Aqtóbe ókildiginde RANT saparlaryn uıymdastyrý jolǵa qoıylǵan bolatyn. Atalǵan issapar barysynda Aqtóbe oblysynyń bas ımamy Serikjan Enshibaıuly Maqsatbek Qaıyrǵalıevpen kezdesip, 5 kúndik sapar jospary talqylandy.
RANT múshesi Aqtóbe qalasynda DD múshelerimen jalpy jáne jeke kezdesý ótkizdi. Sonymen qatar «Nur Ǵasyr» meshtinde asyr namazynan keıin jamaǵatqa «Ihsan ilimi» men «Ǵapyldyq» týraly ýaǵyz nasıhat aıtty. Odan ózge is-sapar josparyna sáıkes, 22 qyrkúıek kúni Aqtóbe medrese-kolledjinde «Dinı bilim alýdaǵy jaýapkershilik» taqyrybynda shákirttermen kezdesý, 23 qyrkúıek kúni Aqtóbe oblystyq ortalyq «Nur Ǵasyr» meshitinde juma namazynan keıin «Dinı ońaltýdyń zamanaýı ádisteri» atty taqyrybynda Aqtóbe qalasynyń ımamdary men QAJ túzetý mekemeleriniń teologtaryna arnalǵan semınar ótedi.
Issapar Alǵa men Hromtaý aýdanynda jalǵasyn tabady.
