RANT MÚShESI ASTANA JAMAǴATYMEN BIRQATAR KEZDESÝLER ÓTKIZDI (FOTO)

Astana qalasyna resmı issaparmen kelgen QMDB RANT múshesi Smanov Dinmuhammed Abdýjapparuly birqatar kezdesýler ótkizip, Elorda jamaǵatyna ýaǵyz-nasıhat jumystaryn júrgizdi. Dinmuhammed Abdýjapparuly birneshe meshit jamaǵatymen júzdesip, «Astana» medrese-kolledjiniń stýdentterine dáris oqydy. Bas-aıaǵy 11 kezdesý ótti. 

Atap aıtqanda, «Sádýaqas qajy Ǵylmanı» meshitinde «Ramazan – Quran aıy»  taqyrybynda, «Yryskeldi qajy» meshitinde «Aq nekeniń mańyzdylyǵy», «Aq meshit» meshitinde «Kúnáli isterdiń zardaby» jóninde, «Raqymqyzy Raısa ana» meshitinde Ramazanǵa qatysty fıqhı máseleler týrasynda, «Abu Nasr Al Farabi» meshitine «Erli-zaıyptylardyń ózara quqyqtary» taqyrybynda tushymdy ýaǵyzdar aıtyp, jamaǵat bilimin arttyra tústi. Sondaı-aq, Astana medrese kolledjinde «Dinı bilim alýdyń mańyzdylyǵy» haqynda dáris oqydy.

Sonymen qatar,  QMDB-nyń janynan qurylǵan Respýblıkalyq aqparattyq nasıhat tobynyń  múshesi «Áziret Sultan» meshitinde Ramazandaǵy jıi qoıylatyn suraqtardy talqylaı otyryp,  Astana ımamdarynyń biliktiligin arttyrý semınaryn ótkizse, keıinnen «QR Ádilet Mınıstrligi Astana qalasynyń Ádilet departamentine» baryp, «Adal qyzmet musylmanǵa mindet» taqyrybynda dáris ótkizdi. Kelesi kúni «Qazaqstan Respýblıkasy Qarjy mınıstrligi Memlekettik múlik jáne jekeshelendirý komıtetiniń Astana qalasynyń memlekettik múlik jáne jekeshelendirý departamentiniń» Qyzmetkerlerimen kezdesip «Musylman adamnyń qoǵam aldyndaǵy jaýapkershiligi» atty, adaldyq, parasattylyq týraly dáris oqydy.

Источник: Aidos