RANT múshesi medrese stýdentterimen júzdesti (FOTO)
QMDB Ýaǵyz-nasıhat bóliminiń meńgerýshisi, RANT múshesi Batyrjan Mansurov Aqtóbe óńirine jasaǵan saparynda «Aqtóbe» medrese-kolledjiniń shákirtterimen arnaıy kezdesti.
Medrese stýdentterimen ótken júzdesýde RANT múshesi bolashaq din qyzmetkerlerine oı túıerlik nasıhat aıtty. Bilim alyp jatqan shákirttermen syr tarqatyp, óz basynan ótken oqıǵalarmen, din jolyndaǵy is-tájirıbesimen bólisti.
Sondaı-aq, bıylǵy túlekterdiń aldaǵy qyzmettine sáttilik tilep, din jolynda yqylaspen ter tógýdiń mańyzdylyǵyna toqtaldy.
Jandúnıeńdi shymyrlatyp, maqsatqa jetýde úlken jiger bolarlyq qundy dúnıeler sóz bolǵan júzdesýde shákirtter túrli qyzyqty saýaldaryn qoıyp, dáıekti jaýaptarǵa qanyq boldy.
Dinı bilim ordasyna barǵan Batyrjan Berdenuly medreseniń tynys-tirshiligimen tanysyp, medrese aýlasynda ornalasqan sport keshenin aralady.
