Reseı múftıi Qazaqstan musylmandaryna kóńil aıtty
Reseı múftıler Keńesiniń jáne RF musylmandary dinı basqarmasynyń Tóraǵasy Ravıl Ǵaınýtdın kórnekti ǵalym Ábsattar qajy Derbisáliniń qaıtys bolýyna baılanysty Qazaqstan musylmandaryna kóńil aıtty. Bul týraly Reseı múftıler Keńesiniń resmı saıty habarlady.
«Islam dinine jáne musylmandarǵa, ǵylym men bilimge qyzmet etken aǵamyz Ábsattar qajy Derbisáli dúnıeden ótti. Ol ózi Qazaqstan musylmandary dinı basqarmasyna tóraǵalyq etken jyldarda Islam dininiń órkendep, bilimniń qanat jaıýyn jańa deńgeıge kóterdi. Onyń ǵylymı izdenisinen týǵan eńbekteri oqyrmandaryn tek jaqsylyqqa úndeıdi.
Marqumnyń otbasy men jaqyndaryna kórkem sabyr tileımiz. Qazaqstan musylmandaryna Reseı múftıler keńesi jáne óz atymnan qaıǵyryp kóńil aıtamyn» delingen habarlamada.
