Sanıtarlyq talaptardy saqtaı otyryp aýyzasharlar uıymdastyrylady (FOTO)
Elordada Bas múftı Naýryzbaı qajy Taǵanulynyń tóraǵalyǵymen ótken Qazaqstan musylmandary dinı basqarmasynyń keńeıtilgen Tóralqa májilisinde sanıtarlyq talaptardy saqtaı otyryp aýyzasharlar uıymdastyrý jaıy qaraldy.
QMDB Meshit isteri bóliminiń meńgerýshisi Marat Jappasbaev Ramazan aıynda sanıtarlyq talaptardy saqtaı otyryp aýyzasharlar uıymdastyrý, Oraza aıt merekesine oraı meshit aýlasyna kıiz úıler tigilip, ulttyq oıyndar uıymdastyrý, Oraza aıt kúnderi qarttar men balalar úıiniń tárbıelenýshilerine merekelik kóńil syılaý sekildi is-sharalar atqarylatynyn jetkizdi.
Marat Jappasbaev pandemııaǵa baılanysty bul jumystar barynsha saqtyqpen ótetinin aıtty. Degenmen Bas múftı «jasyl aımaqtarda» ornalasqan óńirler Ramazan aıyn múmkindiginshe qalyptasqan dástúrge saı ótkizý qajettigin aıtty.
Tóralqa májilisinde QMDB «Zeket jáne qaıyrymdylyq» qorynyń dırektory Talǵat Omarov bıyl birneshe iri joba daıyndalyp jatqanyn, onyń ishinde «Ramazan kerýeni» syndy shalǵaıdaǵy aýyldardy qamtıtyn qaıymdylyq is-sharalar bar ekenin jetkizdi.
