Sansyzbaı Qurbanuly Ihsan ilimi jaıly dáris oqydy (FOTO)
QMDB Sharıǵat jáne pátýa bóliminiń meńgerýshisi Sansyzbaı Qurbanuly Shymkent ortalyq meshitinde «Aqıda hám Ihsan ilimi» atty aımaqtyq tanymdyq rýhanı semınaryna qatysty.
Shymkent qalasynyń bas ımamy Baqdáýlet Nurmatuly sóz alyp, jýyrda QMDB Tóraǵasy, Bas múftı Naýryzbaı qajy Taǵanulynyń bastamasymen Ihsan ilimi baǵytyna mán berilgenin aıta kele, osy baǵyttaǵy nasıhat jumystaryn kúsheıtýdi aıtyp ótti.
Rýhanı bastamany keńinen nasıhattaý hám túsindirý maqsatynda Sansyzbaı Qurbanuly aqıda, ýsýl fıqh, Ihsan ilimi men sopylyq týraly dáris oqydy.
Semınarǵa qalalyq din isteri basqarmasy Dinı máselelerdi zertteý ortalyǵynyń dintanýshy mamandary, meshit ımamdary men meshit janyndaǵy jeti baǵytqa jaýapty mamandar qatysty. Semınar barysynda qatysýshylarǵa arnaıy sertıfıkat berildi.
