Saryaǵashta Halyqaralyq konferentsııa bastaldy (FOTO)
Búgin Túrkistan oblysy Saryaǵash aýdany Yntymaq aýylynda Qazaqstan musylmandary dinı basqarmasynyń uıytqy bolýymen halyqaralyq konferentsııa bastaldy.
Ábdisattar Smanov pen Ábdiǵappar Shákirulynyń rýhyna arnalǵan «Din rýhanııatynyń ulaǵatty ustazdary» ǵylymı-tanymdyq konferentsııasyna QMDB Tóraǵasy, Bas múftı Naýryzbaı qajy Taǵanuly, Ózbekstan musylmandary dinı basqarmasynyń tóraǵasy Ýsmanhan Alımov, Qyrǵyzstan múftıiniń mindetin atqarýshy Joroboı qajy Sherǵazyev, QMDB Tóraǵasynyń orynbasary, naıb múftı Ershat Aǵybaıuly, Apparat basshysy Ǵylymbek Jádigeruly, QMDB Ǵulamalar keńesiniń músheleri, oblystyń bas ımamdary men medrese dırektorlary qatysýda.
Alqaly jıyn aldymen Smanovtar áýletinen dúnıeden ótken jandardyń rýhyna Qasıetti Quran aıattaryn oqýmen bastaldy. Quran duǵasy jasalyp, Ábdisattar men Ábdiǵappar ustazdardyń din rýhanııaty jolynda atqarǵan eńbegine toqtalǵan qysqasha beınerolık usynyldy.
Konferentsııada Bas múftı Naýryzbaı qajy Taǵanuly, Ózbekstan, Qyrǵyzstan elderiniń múftıleri baıandama jasaıdy.
