Saıram aýylynda qyzmettik úı men sport alańqaıy ashyldy (FOTO)
Búgin Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly Táýelsizdiktiń 30 jyldyǵyna oraı Shymkent qalasy, Qarataý aýdany, Dostyq eldi mekeninde ornalasqan «Úsenbek ata» meshiti janynan salynǵan qyzmettik baspana men shaǵyn sport alańqaıynyń ashylýyna qatysty.
Saltanatty qos sharada Bas múftı ıgi iske úles qosyp, qarjylaı qoldaý kórsetken azamattarǵa alǵysyn bildirdi. Sondaı-aq osyndaı irgeli jumystardy uıymdastyryp júrgen meshit ımamy, «Shymkent» medrese-kolledjiniń túlegi Mustafa Baýyrjanulyna rızashylyǵyn bildirip, respýblıkalyq «El úlesi – páterge» qaıyrymdylyq aktsııasymen berilgen qyzmettik úıdiń kiltin tabys etti. Jas ta bolsa, ójettiligi, tabandylyǵymen kózge túsip, din jolyndaǵy qyzmetke shyn yqylasymen kirisken Mustafaǵa bereke tilep, batasyn berdi.
Sapar sońynda QMDB Tóraǵasy atqarylǵan taǵylymdy sharýalardy qorytyndylap, Shymkent qalasyna jaýapty ımam Baqdáýlet Ábdirahmanovqa birqatar naqty tapsyrmalar júktedi. Aıta keteıik, Bas múftıdiń endigi jumys sapary Taraz qalasynda jalǵasady.
