Semeı ákimi «Hakim Abai» kitaphanasyna syı jasady (FOTO)
Semeı qalasynyń ákimi Ermak Sálimov Dinı basqarmanyń «Hakim Abai» kitaphanasyna syı jasady.
2020 jyldyń keńeıtilgen Tóralqa májilisine arnaıy kelgen QMDB Semeı aımaǵy ókildiginiń bas ımamy Asqar Muqanov Bas múftı Naýryzbaı qajy Taǵanulyna E.Sálimovtiń sálemin jetkizip, arnaıy syılyǵyn tabystady. Osylaısha Hákim Abaıdyń esimi berilgen kitaphana danyshpannyń beınesi salynǵan kartınamen tolyqty.
Aıta ketsek, jýyrda Bas múftı Naýryzbaı qajy Taǵanuly «Hákim Abaı» atyndaǵy kitaphananyń ashylý rásimine qatysyp: «Biz shákirtterimizge Hákim Abaı syndy oıshyldarymyzdyń ǵıbratqa toly eńbekterin oqytý baǵdarlamasyn udaıy jalǵastyra berýimiz kerek. Bolashaq ımamdarymyz ǵulamalarymyz ben tulǵalarymyzdyń rýhanı murasynan ónege alyp, ony halyqqa jetkizýde belsendi bolýy tıis. Osy maqsatta Dinı basqarma janyndaǵy kitaphanaǵa Hákim Abaıdyń esimin berý týraly sheshim qabyldadyq. Bul Dinı basqarma tarapynan «Rýhanı jańǵyrý» bastamasyna qosylǵan úles dep esepteımin. Biz din, tarıh, salt-dástúr sabaqtastyǵyn nasıhattaý isin jalǵastyra beremiz», – dep atap ótken bolatyn.
Kitaphana 128 sharshy metr aýmaqty quraıdy. Onda 2 myńnan asa kitap qory bar.
