Shákirtter «Hasekı» akademııasyna oqýǵa attandy (FOTO)
Shymkent qalasynda Qazaqstan musylmandary dinı basqarmasy men Túrkııa din isteri basqarmasy arasyndaǵy eki jaqty kelisim negizinde Hasekı akademııasynyń 2021-2022 oqý jylyna qabyldanǵan shákirtterdi shyǵaryp salý sharasy uıymdastyryldy.
Aıtýly sharaǵa QMDB Dinı bilim jáne kadr daıarlaý bóliminiń meńgerýshisi Smaıyl Seıtbekov, Shymkent qalasynyń bas ımamy Baqdáýlet Nurmatuly, qala bas ımamynyń keńesshisi Bekaıdar Ámire arnaıy qatysyp, bilim saparyna attanǵan shákirtterge batasyn berip, sáttilik tiledi.
Basqosý aıasynda Smaıyl Súıerqululy Bas múftı Naýryzbaı qajy Taǵanulynyń arnaıy sálemin jetkizip, shákirtterge birqatar aqyl-keńester berip, oqý ordasyndaǵy talap, erejelerdi jan-jaqty aıtyp ótti. Sondaı-aq, atalmysh oqý ornynda bilim deńgeıimen qatar stýdentterge barlyq jaǵdaıdyń jasalǵanyn tilge tıek etti.
Aıta keteıik, bıyl QMDB-ǵa qarasty dinı oqý oryndaryn bitirgen, bilimdi, daıarlyq kýrstan jáne qabyldaý emtıhanynan ótken 40 shákirtke Hasekı akademııasynyń joldamasy berildi.
