Shymkent medrese kolledji janynan ortalyq ashyldy (FOTO)
Búgin Shymkenttegi medrese kolledji janynan «Bilim jáne aýdarma» ortalyǵy jumysyn bastady. Jańa ortalyqtyń tynysymen tanysý maqsatynda Bas múftı Naýryzbaı qajy Taǵanuly arnaıy bas suqty.
«Halifa Al-Nahaian Aqmeshit» meshitiniń naıb ımamy Muhamedjan Estemirov ortalyqtyń jumys josparyn tanystyryp, aldaǵy ýaqytta aýdaratyn kitaptardyń jalpy nobaıyn usyndy.
Óz kezeginde Bas múftı mundaı aýdarma ortalyqtarynyń mańyzdy ekenin atap ótti. «Oqýǵa yńǵaıly shaǵyn kitaptardy aýdarý kerek. Aldymen jospar quryp alý qajet. Dinı basqarmamen aqyldasyp, oqyrmannyń tilegin eskerip, qajetti kitaptardy aýdarýǵa tıispiz. Eki tildi qatar damytý jaǵyn qolǵa alý kerek. Qoǵam qazir kitapqa, sapaly shyǵarmaǵa muqtaj. Sondyqtan osyndaı zamannyń suranysyna saı dúnıelerge mán berýge shaqyramyn» dedi QMDB Tóraǵasy.
Aıta keteıik, ortalyqta búginde 13 aýdarmashy bar.
