Smaıyl Seıtbekov oqyrman suraqtaryna jaýap berdi (FOTO)
Búgin QMDB dinı aqparat berý ortalyǵynda «Call-ortalyqtaǵy suraq-jaýap» jobasynyń kezekti Efıri ótti.
QMDB Dinı bilim jáne kadr daıyndaý bóliminiń meńgerýshisi jáne Ǵulamalar keńesiniń múshesi, ıslamtanýshy-ǵalym Smaıyl Seıtbekov @muftiyatkz ınstaparaqshasynyń tikeleı Efırinde Imam Matýrıdı jáne Erejep aıyna qatysty kópshilik saýalyna jaýap berdi.
Aldymen Efır qonaǵy Imam Ábý Mansur ál-Matýrıdıdiń ómirbaıany men eńbekterine, Matýrıdı aqıdasy týraly tarqata aıtsa, call-ortalyqqa qońyraý shalýshylar men oqyrman tarapynan kúni erteń esigimizden engeli otyrǵan qasıetti Erejep aıyna qatysty suraqtar qoıyldy.
