Soltústik Qazaqstan oblysyna Bas ımam taǵaıyndaldy (FOTO)

Búgin QMDB tóraǵasy, Bas múftı Naýryzbaı qajy Taǵanuly Soltústik Qazaqstan oblysyna jasaǵan jumys sapary kezinde «Qyzyljar» ortalyq meshiti jamaǵatyna atalǵan óńirge taǵaıyndalǵan bas ımamdy tanystyrdy.

«Biz búginde meshitterimizge bilimdi, tájirıbeli jas ǵalymdardy ımamdyq qyzmetke taǵaıyndap jatyrmyz. Hamzat Qajymuratuly Lıvııa memleketinde bilim alyp, osy soltústik óńirdegi meshitte, Qazaqstan musylmandary dinı basqarmasynyń ortalyq apparatynda jáne elordamyzdaǵy «Sádýaqas qajy Ǵylmanı» meshitinde jumys istedi. Osy óńirde de ózine júktelgen qyzmetti abyroımen atqarady dep senemin» dedi Naýryzbaı qajy Taǵanuly.

Bas múftı osyǵan deıin oblysta bas ımam bolǵan Kenjetaı Dúısenbaıǵa alǵys aıtyp, rızashylyq nıetin jetkizip: «Sizdiń dinı saladaǵy mol tájirıbeńizdi eskerip, Dinı basqarmaǵa qyzmetke qabyldadyq» dedi.

Igi is-sharada meshit aqsaqaldary ımamdarǵa batasyn berip, duǵa jasady.

​