«Talaba» qaýymdastyǵynyń jetekshisine kýálik tabystaldy (FOTO)

Qazaqstan musylmandary dinı basqarmasynyń Dinı bilim jáne kadr daıyndaý bóliminiń meńgerýshisi Beıbit Myrzageldıev «Talaba» qaýymdastyǵynyń jetekshisi Tilepbergen Jákıevke Qaýymdastyq jetekshiligin kýálandyratyn kýálik tabystady.

Qazaqstan musylmandary dinı basqarmasy janynan «Talaba» qaýymdastyǵy qurylǵan bolatyn, Bul qaýymdastyq sheteldik oqý oryndarynda dinı baǵytta oqıtyn qazaqstandyq stýdenttermen júıeli jumys júrgizetin, birlesken ıgi jobalardy júzege asyrý maqsatynda qurylǵan.

Qaýymdastyq QMDB men shetelde dinı bilim alatyn stýdentter arasynda altyn kópirge aınalmaq. Olarǵa áleýmettik kómek kórsetý, túrli dinı aǵymdardyń ýaǵyzyna aldanyp qalmaýyn qadaǵalaý, ártúrli baǵytta ıgi sharalardy uıymdastyrý, t.b. – «Talaba» qaýymdastyǵynyń negizgi maqsaty.