Tarazda «Qazaq dalasyna ıslamnyń kelýi» atty halyqaralyq konferentsııa bastaldy (FOTO)
Búgin Taraz qalasynda Táýelsizdiktiń 30 jyldyq mereıtoıy, Atlah shaıqasynyń 1270 jyl tolýyna oraı «Qazaq dalasyna Islamnyń kelýi» atty ǵylymı-tanymdyq halyqaralyq konferentsııasy bastaldy. Alqaly jıyn QMDB Jambyl oblystyq ókildiginiń uıymdastyrýymen ótip jatyr.
Mańyzdy jıynǵa Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly, Jambyl oblysynyń ákimi Berdibek Saparbaev, Ózbekstan musylmandary dinı basqarmasy Tóraǵasynyń orynbasary Homıdjan Ishmanbetov, Qyrǵyzstan musylmandary dinı basqarmasynyń Apparat basshysy Raýshan Iratov, elimizdiń tarıhshylary men ǵalymdary, otandyq jáne sheteldik oqý oryndarynyń professorlary, shyǵystanýshylar qatysýda.
Jıyn Allanyń kálámi Quran oqýmen bastalyp, «Atlah (otlyq) – Talas shaıqasy nemese álemdik órkenıet damýyna jol ashqan uly jeńis» taqyrybyndaǵy beınerolıkpen jalǵasyn tapty. QMDB Tóraǵasynyń orynbasary, naıb múftı Ershat Ońǵar jıynǵa moderatorlyq etip, qurmetti qonaqtarǵa sóz usyndy.
Konferentsııada negizinen qazaq eliniń musylmanshylyqty erte ýaqyttan beri ustanǵany, tarıh sahnasyndaǵy muragerligi, túrki tarıhynda alar orny men mańyzy sóz bolmaq.
