Tarbaǵataıdaǵy taǵylymdy is: Qaıyrymdylyq mekemesi ashyldy (FOTO)
Bas múftı Naýryzbaı qajy Taǵanuly Shyǵys Qazaqstan oblysyna jasaǵan resmı sapary barysynda Tarbaǵataı aýdany Aqjar eldimekeninde boı kótergen qaıyrymdylyq mekemesiniń ashylýyna qatysty.
Saltanatty jıynda sóz alǵan Bas múftı Naýryzbaı qajy Taǵanuly: «Halqymyz «Aýylyna qarap azamatyn tany» deıdi. Osy aýyldan shyqqan azamattar bizdiń ıgi bastamamyzdy qoldaý bildirip, qaıyrymdylyq mekemesiniń ashylýyna úles qosty. Osy sátti paıdalanyp, ózimniń jáne Qazaqstan musylmandary dinı basqarmasy ujymy atynan aıryqsha alǵysymdy jetkizemin. Alla razy bolsyn!
Osy mekemeden dinı hám zaıyrly bilim alyp shyqqan ımandy, otanshyl jastarymyz erteń-aq elge, dinge qyzmet etetin bolady. Alla Taǵala sol kúnge jetkizgeı! Biz qazaq balalaryn oqytyp, olardy otanshyl, ımandy bolýǵa tárbıeleý maqsatynda oblys ortalyqtarynan osyndaı qaıyrymdylyq mekemelerin ashyp jatyrmyz. Igi isimizge ún qosyp jatqan azamattarǵa taǵy da rııasyz rızashylyǵymdy jetkizemin. Elimiz aman, jerimiz tynysh, táýelsizdigimiz baıandy bolǵaı!» dedi.
Igi is-sharada Tarbaǵataı aýdanynyń ákimi Ashat Saıdahmetuly quttyqtaý lebizin bildirdi. Bas múftı qaıyrymdylyq mekemesine syılyǵyn tabystady.
Aıta ketsek, qaıyrymdylyq mekemesinde bir mezette 30 oqýshy dinı hám zaıyrly bilim alady. Sonymen qatar Quran jattamaq.
