«Táýelsizdik jáne ıslam» respýblıkalyq onlaın konferentsııasy ótedi
Erteń, 10 aqpan kúni Almatydaǵy Ulttyq kitaphanada Qazaqstan musylmandary dinı basqarmasynyń uıymdastyrýymen Táýelsizdiktiń 30 jyldyq mereıtoıyna arnalǵan «Táýelsizdik jáne Islam» respýblıkalyq ǵylymı-tájirıbelik onlaın konferentsııa ótedi.
Igi shara halqymyzdyń ótken tarıhy men rýhanııatynan syr shertetin kóne kitaptar kórmesinen bastalady. Kórmede tarıhı qoljazbalar, dinı-tarıhı eńbekter qoıylady. Basqosýǵa QMDB Tóraǵasy, Bas múftı Naýryzbaı qajy Taǵanuly, Almaty qalasy ákimdiginiń ókilderi, ult zııalylary, elimizge tanymal bilikti ǵalymdar, QMDB basshylary, oblystardyń bas ımamdary men Almaty qalasy meshitteriniń din qyzmetkerleri qatysady dep kútilýde.
Konferetsııa barysynda Táýelsizdik jáne dinı qundylyqtar, rýhanı jańǵyrý men jastar tárbıesi, ıslamı bilim júıesiniń qalyptasýy, saıası qýǵyn-súrginge ushyraǵan din ókilderin anyqtaý men aqtaý jáne ózge de ózekti máseleleri talqylanbaq.
