Temirtaý ortalyq meshitine Álıhan Bókeıhan esimi berildi
Qaraǵandy oblysy, Temirtaý qalasy ortalyq meshitine memleket jáne qoǵam qaıratkeri, Alash kósemi, halqymyzdyń birtýar perzenti – Álıhan Nurmuhameduly Bókeıhannyń esimi berildi.
«Tiri bolsam, qazaqqa qyzmet qylmaı qoımaımyn» dep ózine sert bergen Alash arysynyń esimi meshitke berilýiniń tarıhı sebepteri bar. Álıhan babamyz qazaqtyń bolashaǵy úshin aıanbaı eńbek etip, Alash partııasyn qurdy. Qazaq balasynyń bilimdi, parasatty bolýyn maqsat etip, talaı darynnyń bolashaǵyna jol kórsetken-di.
Búginde týǵanyna 155 jyl tolǵan el ardaqtysynyń esimin ıelený Temirtaý ortalyq meshitine buıyrdy. Al byltyr Qazaqstan musylmandary dinı basqarmasynyń sheshimimen QMDB-nyń 30 jyldyq mereıtoıynyń aıasynda, Semeı qalasynyń Sýyqbastaý kentindegi meshitke de Álıhan Bókeıhannyń esimi berilgen edi.
