Tórtinshi kúnniń esebi: Jumys toby 4166 adammen kezdesti (FOTO)
Qazaqstan musylmandary dinı basqarmasy janynan qurylǵan jumys toby Atyraý oblysyna jasaǵan jumys saparynyń tórtinshi kúni 26 kezdesý ótkizdi. Kezdesý, suhbat, semınar formatynda ótip, oǵan bir kún ishinde 4166 adam qatysty.
Bas múftı Naýryzbaı qajy Taǵanuly Saraıshyq eldimekenine arnaıy baryp, han ordasyn zııarat etti. Saraıshyqta qurylysy bastalǵan meshittiń irgetasyn qalaý rásimine qatysty.
Bas múftı atyraýlyq BAQ ókilderimen arnaıy kezdesip, múftııat tarapynan atqarylyp jatqan jumys baǵyttar týraly aqparat berdi. Erkin dıalog formatynda ótken kezdesýge Atyraý oblysy ákiminiń orynbasary Baqytgúl Hamenova qatysty.
Bul kúni Bas múftı «Imanǵalı» ortalyq meshitinde jeke azamattarǵa dástúrli emes dinı aǵymnyń zııany týraly túsindirý jumysyn júrgizdi.
Ustaz Sansyzbaı Shoqanov Atyraý qalalyq Quspan molla meshitinde jamaǵatpen kezdesti. Jalpy aýdıtorııasy 230 adamdy qamtyǵan kezdesýde «Aıatýl kýrsı» aıatynyń tápsiri týraly dáris oqyp, jamaǵat tarapynan qoıylǵan saýaldarǵa jaýap berdi.
RANT músheleriniń tikeleı qatysýymen emin-erkin pikir almasý, suraq-jaýap formatynda túrli kezdesýler bilim ordalarynda, eńbek ujymdarynda, oblys ortalyǵyndaǵy ózge de meshitterde jalǵasyn tapty.
